تجارب يوس يلدز تكنيك

تجربة طلاب في امتحان يوس يلدز تكنيك

سنة 2019

اليوم رح نحكي عن يوس جامعة يلدز تكنيك واللي تعتبر من أقوى الجامعات في الهندسات ولا تحتوي أفرع طبية والمعروفة بأسئلتها الحلوة 😅. ______________ جامعة يلدز تكنيك باسطنبول تعتبر من أفضل الجامعات وبنفس الوقت امتحانها يعتبر من أصعب الامتحانات. الامتحان اله مركز وحيد بتركيا بالجامعة نفسها. الامتحان عبارة عن ٨٠ سؤال خلال ١٣٠ دقيقة يعني ١٠ دقائق زيادة عن الامتحانات العادية. توزيع الأسئلة كان ٤٠ ايكيو ٥ هندسة ٣٥ ماث لغات الامتحان تركي وانجليزي وبيجوا مع بعض ومافي عربي للأسف. _______________ بالنسبة للجبر كانت الأسئلة صعبة جداً وبدها وقت وبشكل عام الماث غالبيته من الماث ١ والسنة الماضية أول مرة بتجيب مشاكل بالجبر تقريباً كان في ٥ أسئلة مشاكل وما كانوا سهلين. بالنسبة للهندسة الأسئلة كانت متوسطة مائلة الصعوبة يعني مانها بصعوبة الجبر والأسئلة كانت بتشمل لعند بحث الدائرة. بالنسبة للايكيو هو كان أصعب شي برأيي رغم وجود بعض الأسئلة سهلة فيه لكن كان في أسئلة تعجيزية وبتضيع وقت عالفاضي وفي أنماط ايكيو جديدة ما شفتا من قبل الا بفحص يلدز. _______________ #نصيحة أفضل طريقة برأيي للطالب يلي بدو يقدم يلدز أثناء الامتحان السؤال يلي بحس بدو شغل كتير يتركه وبيرجعله اذا لحق لان ممكن يضل عليه ٥ دقايق او اكتر وما ينحل لهيك الواحد بيحل المضمون اول الشي وبيترك الصعب للاخير. _______________ الـ ٤ خطأ بيروحوا صح بالنسبة للعلامات كانت قليلة يعني أعلى علامة كانت ٩١.٢٥ انا اخدت ٨٥ وبالرغم من هيك ترتيبي ٢٥. بالنسبة للمفاضلة الجامعة بتفتح مفاضلتين وبتخصص مقاعد ليوسها فقط لهيك القبول كتير ممتاز وما بتميز جنسيات. القبول بيعتمد على ترتيبك بس بشرط تكون علامتك فوق الـ ٥٥ يلي هو حد المفاضلة اغلب الافرع مقاعدهم بين ١٥ لل٢٥. الهندسات موجود الفرع بالانجليزي والتركي منعدا الحاسوب موجود بالتركي بس بالنسبة للقبول الحاسوب أكتر فرع صعب قبوله بالجامعة بأول مفاضلة أقل ترتيب انقبل حوالي ٢٠. بالمفاضلة التانية علامات القبول بتنزل كتير لان ما حدا بيحقله يفاضل عالتانية الا المرفوضين من المفاضلة الأولى لهيك بتكون أعداد المفاضلين قليلة فكلشي علامته فوق الـ 55 حصل هندسة السنة الماضية بالمفاضلة التانية لكن مو هندسات قوية. 

سنة 2018

  • جامعة يلدز تكنيك جامعة حكومية تقع في مدينة إسطنبول الأوربية و ترتيبها 16 محلياً .
  • الجامعة تعتبر أحد أقوى الجامعات في كلية الهندسة كونها جامعة تقنية و عريقة جداً في هذا المجال و تكون الهدف الرئيسي لمعظم الطلاب الذين يرغبون لدخول كلية الهندسة و الجامعة لا تحوي الأفرع الطبية .
  • كافة الأفرع تشترط دراستها ب30% على الأقل لغة انكليزية أو 100% لغة انكليزية تختلف باختلاف الفرع .
  • امتحان جامعة يلدز تكنيك امتحان يُعتبر امتحان صعب مقارناً بباقي الامتحانات .
  • الامتحان مؤلف من 80 سؤال و الوقت بكون 120 دقيقة .
  • تقريباً : 45 سؤال رياضيات – 30 آي كيو – 5 هندسة .
  • أجور الامتحان 150 ليرة تركي .
  • الاعتماد الأكبر بهالامتحان ع قوة الطالب بالرياضيات ( الماث ) لأنو الماث بامتحان يلدز بكون صعب وبدو وقت وممكن بعض الطلاب تدخل الامتحان تشوف اسئلة أول مرة بتشوفها , أما الآي كيو و الهندسة متوسطة مايلة للسهوية عدا كم سؤال بالآي كيو بكونوا مختلفات وممكن يكونوا فكر مختلفة .
  • اسئلة مشاكل ما في أبداً .
  • كل 4 اسئلة خطأ تحذف علامة سؤال صحيح .
  • الجامعة تفتح مركز واحد فقط داخل تركيا بكون باسطنبول داخل الحرم الجامعي .
  • لا يوجد لها مراكز تقديم امتحان اليوس خارج تركيا .
  • الجامعة تقبل باليوس الخاص بها فقط بعلامة 55 و ما فوق وتقبل بامتحان السات  بعلامة 1200 و ما فوق و640 للرياضيات , و تقبل الجامعة أيضاً يوس كونيب ( بمقاعد قليلة جداً ) بعلامة 70 وما فوق .

بالتوفيق للجميع

Mahmut SERDAR

مدير ومؤسس موقع فلنترك أثراً ومحرر تقويم المفاضلات وتقويم اليوس

مقالات ذات صلة

انت تستخدم حاجب الاعلانات

,نحن في موقع فلنترك اثراً نقدم جميع الاخيار بشكل مجاني ونستخدم عائدات الاعلانات لتطوير وتحسين الموقع ولاضافة ميزات إضافية يرجى الغاء مانع الاعلانات ولكم جزيل الشكر