تجارب الطلاب مع اختبار ال SAT​

تجارب الطلاب مع اختبار ال SAT

SAT تجارب

الوصول السريع ( اضغط على العنوان)

التجربة الاولى

السلام عليكم
ححكي هون عن تجربتي مع السات. ححاول ما أطول عليكم. “ححاول”…
تجربي مليانة بالأخطاء والتخبيصات… عدت السات ٥ مرات، طول معي سنة سنتين. (الحادي عشر والبكلوريا)..
قبل ما أبلش دراسة سات كنت بحكي انجليزي أنا. بلشت بالحادي عشر واول اختبار تجريبي كاتت علامتي ٩٠٠… درست عخان أكاديمي فقط(وكنت أضيع كتييير وقت.. يعني أقعد عالمكتب شغلة ٧ ساعات وأدرس شغلة ساعة أو أقل).. دخلت وجبت ١١٣٠(٦٠٠ ماث و ٥٣٠ انجليزي). تاني مرة شبه ما درست وجبت ١١٠٠. المرة الثالثة: شديت عحالي شوي، درست دروس الماث من أول وجديد وصرت أحل تمارين… دخلت وجبت ١٢٣٠(٦٩٠ ماث و ٥٤٠ انجليزي) بس للأسف لازلت أضيع وقت وأتلهى كتير…
طلعت العلامة ما بتكفي لأدخل يلي بدي اياه… رجعت حجزت ودرست أحسن من المرة يلي قبلها.. حليت كتاب ال Princeton و McGrawhill و Kaplan… وحليت امتحانين أو ٣ من ال official . جبت ١٣٠٠(٧٠٠ماث و ٦٠٠ انجليزي). قررت أعيد وأحسن! طبعت ال ٨ official وحليتهم. وطبعت ال collegepanda 10 practice testa وحليت ٥. للأسف ما أعطيت الماث الأهمية يليةعطيتها للانحليزي فجبت ١٣٥٠ (٧١٠ ماث و ٦٤٠ انجليزي)… هي قصتي… هلأ بدي أقلكم كيف تجيبو أعلى من علامتي بأول أو تاني مرة بإذن الله.

1- ابدأ بدراسة دروس رياضيات من كتاب اسمه College Panda Math
2- ابدا دراسة دروس ال Grammar من كتاب Erica Meltzer Grammar guide
3- بعد ما تخلص دراسة الدروس، عميل حساب على KHANACADEMY. وعميل أول اختبار OFFICIAL. بعدين ركز معي لانه هي أهم نقطة…
4- بعد ما تخلص الإختبار، بدك تمسك كل سؤال أخطأت فيه، وترجع تحله ٣ مرات.
5- اشتري دفتر صغير، وكتوب فيه “الدروس يلي عبتخطئ فيها” درس درس ما تشيل ولا شي.
6- روح على KHANACADEMY(غير الاختبارت في عندهم تمارين للدروس درس درس) وحل الدروس يلي عبتخطأ فيها.(بنصحك تحل كل شي على خان أكاديمي لأنه هو أفضل شي ممكن تدرس منه. لأنه اسئلة حقيقية ال Collegeboard حاطينها. يعني حل كلشي لكن ركز عالدروس يلي عندك ضعف فيها).
7- وبعدين بدك تكرر. ضلك عبتعمل إختبارات وعبتصحح أخطائك وتهاجم نقاط ضعفك.
8- إذا انت فهمان كل الدروس، حتوصل علامتك الماث ٦٥٠ -٧٠٠. هون بتكون مشكلتك انه بدك تتدرب اكتر. بعدين حتصير تعرف تحل كل الأسئلة تقريبا، وتكون أخطائك محصورة بين شغلتين: ١أسئلة تعتبر “أصعب” من غيرها ٢ الأخطاء السخيفة.
9- الأسئلة الصعبة بدك تصير تحل منها على خان أكاديمي(اأسئلة المستوى الرابع). أما الأخطاء السخيفة فعلاجها كثرت الحل..
10- الإنجليزي وضعه نفس الشي تقريبا…

أهم شي انك ما تضيع وقت أبدا، ولا تنغر بحالك. بدك تدرس شغلة ٦ ساعات يوميا! ما عبمزح! بدك علامة تدخلك طب أو هندسات؟! هيك بدك تدرس.
بالنسبة للمعاهد أنا ما جربتها أبدا. إذا عندك القردة المادية سجل بمعهد، ولكن المعهد ما حيضمنلك العلامة. في حال قررت تدرس بمعهد اسماع شو بقلولك ولكن بدك تدرب بالبيت متلك متل يلي مو مسجل بمعهد. بإختصار، إذا ما عندك القدرة المادية أو ما بدك، لا تسجل بمعهد. رفيقي جاب ١٤٠٠(٨٠٠ ماث و ٦٠٠ انجليزي) من غير لا معهد ولا درس خاص. وأنا جبت١٣٥٠ من غير معهد. وانت اذا بتتبع يلي قلتلك عليه، وبتتدرب تدريب متل عادة(شغلة ٤-٦ ساعات يوميا) بتجيب اعلى مني وأعلى من رفيقي. لا ترد عالبيقلك لا تدرس كتير. بدك تدرس كأنه فحصك بكرا!
أنا بعرف إنك بتقدر. السات مو اختبار ذكاء. السات بيختبر انت شقد محضرله… بدك تحسب حسابك تحط لحالك ٦ اشهر عالاقل قبل ما تحجز أول اختبار.
ولا تنسى التدرييييب + التدرريييييب عالأخطااااااء. اذا ما اادربت عأخطاالائك بعمرك ما رح تجيب علامة كويسة.
مصادر:
دخول على جروب عالفيسبوك اسمه Right Way To Sat. الجروب فيو اكتر من ٥٠ الف واحد واي اختبار أو كتاب نزل وبيبعتولك. تابع عاليوتيوب قناة اسمها Supertutor TV كتيير مفيدة. اليوتيوب فيو كلشي. أي شي ما عرفته فتاح يوتيوب وشوفه.

أي سؤال الرجاء تكتبوه بالتعليقات وأنا ححاول أرد عليهك قدر الإمكان. ما بدنا تنقيط ححكي مع الأدمن ان شاء الله يعمللنا اياه منشور مثبت. أي شي نسيته او ما قلته حضيفه او ححطه بمنشور جديد.

التجربة الثانية

نصيحة معيد للطلاب الجدد او يلي ناويين يعيدوا
( رح يكون في جزء تاني للرايتينغ وتالت للماث بس مشان ما يكون المنشور طويل )
اول شي لازم تعرفوه انو السات شي مو صعب والكل بيقدر يجيب فيو العلامة يلي بيحلم فيها … الشغلة بس بدها شوية جهد وتعب وصبر !

اهم الكتب والمواقع يلي بنصح فيها للريدينغ هي :
Erica Meltzer
Khan academy ( عبارة عن 58 نص مأخوذين من الموقع مجمعين بكتاب )

المواقع يلي بنصح فيها :
ReadWorks ( افضل موقع لتقوية القراءة على الاطلاق )
Big Think
و سلسلة ( Reason Prep ) على اليوتيوب

الريدينغ بشكل عام هو اصعب قسم واكتر شي الطلاب بيتعبوا فيه
والاغلب بيعرف انو هو عبارة عن 5 نصوص اذا ركزنا فيها على 3 فقط وحاولنا نجيب فيهن علامة كاملة ف نحن منكون جبنا تقريبا 35 من اصل 52 وهي بتوصلك لعلامة منيحة .
نقطة تانية مهمة وهي انو تشوف اكتر من استراتيجية للحل لانو الريدينغ خصوصا اله كتير طرق للحل ولفهم النص ف المهم تبحث عن الطرق الموجودة بالكتب او الموجودة عالنت.
كتاب الخان مهم جدا والمهم انك تحل كل نص فيه وتفهم ليش كل سؤال انحل هيك صح وليش هاد السؤال انحل غلط .
طبعا هاد الحكي نظريا حلو وسهل ولكن عالتطبيق كلشي صعب
بس الصعب رح يكون صعب لفترة قليلة وبعد فترة رح تحس حالك تحسنت وصار الصعب شي ماضي .
اللينكات :
( Reason Prep )
https://www.youtube.com/watch?v=Ls6SyvtmJnA&list=PLWrx3HAZbAqE0CQ-lhQkRzaT38Ma5pgSN

( Big Think )
https://bigthink.com

( ReadWorks )
https://www.readworks.org

التجربة الثالثة

كل ما تحتاجه للتحضير لامتحان السات1:
البرنامج من ابتكاري و كما يلي :
1-تدرس ورك بوك الباندا
ريدنك,ورايتنك.
::::::::::
2-ريدنك كتاب ايريكا The critical reader.
:::::::::
3-قراءة مقالتين على الاقل يوميا
على هذه المواقع مثلا
Scientificamerican.com
Bigthink.com
:::::::::::::::
4-تستات وهناك انواع:
ا.رسمية من الكولج بورد يفضل كل اسبوع تقديم تست بنفس وقت الامتحان يوم السبت الساعة 9 مع التوقيت وغالبا كنت احصل على درجتي الحقيقية.
بعد تقديم التست كاملا يرجع للاخطاء ويتم حل الاسئلة التي تم الوقوع بها ومحاولة حل هكذا نوع من الاسئلة ..باختصار يجب ان تعلم اين نقاط ضعفك كل اسبوع وتحاول اصلاحهن..
ب.تستات غير رسمية مثل
Panda 10 tests
Ies tests
Ivy gloval tests
لتقوية الماث (كتب ونصائج جون)
Etc..
::::::::::::؛
5-متابعة موقع خان اكاديمي
Khanacademy.com
لتطوير قدراتك بموضوع معين خاص
او لانشاء اختبارات خاصة شبيها بالتي ستراها يوم الامتحان.
واخيرا تقوية المستوى لديك بكل اقسام السات .. انصح بمتابعة الموقع دائما وعدم اهماله او تاجيله ..

:::::::
كتب انصح بقرائتها جدا:
The complete guide to grammar tests (كتاب لايريكا تشرح به اسئلة رايتنك ومع حلولها مفيدة جدا جدا)
….
Pwn لتطوير الماث ورك بوك

اخطاء ارتكبتها :
-لا تنهي كتاب وترميه فجبل من الكتب لن ينفعك اكثر من الافكار اللواتي ركزت عليهن اثناء دراستك للكتاب الواحد.
-لا تنشغل باشياء اخرى (فيس ,انستا,برامج باليوتيوب) الغيهم نهائيا من حياتك.
ولا تنهى ان الترفيه ليس باتعاب عيناك ابدا بل باراحتهما بقيلولة قصيرة او بالتامل بالسماء..على سبيل المثال.
-لا تعتمد على معهد ابدا خد منه الافكار ولكن لا تهمل برنامجك الخاص ..
تذكر ان كل استاذ سيلعب عليك دور الاب في حين انه قد يكون يستغلك او قد يكون ليس له الدراية الكافية بالسات.
باختصار كن حكيم نفسك دائما.
-اختر مكانا للدراسة لوحدك وتذكر ان دراسة 3 ساعات افضل من امساك الكتاب طول اليوم والوايفاي مفتوح.
-لا تضيع اي دقيقة ..صدقني ربما ترفض بجامعة ما لفارق 10 درجات عن زميلك..وبالتالي ضياع الحلم.
-تذكر ان لا احد سيرحمك في المفاضلة فبدلا من انتظار معجرة ..احصل على درجة تضمن به حالك وتدع الاخرين بهذه الحيرة.(والكلام موجه للذين يبحثون عن كلية طبية او هندسية بجامعات قوية ومرموقة عليك بالحصول على درجة عالية تؤهلك لذلك).
-توكل على الله ..ومهما واجهت من ضغوطات فقط قل “كلو خير❤️ “
….

#عذرا للاطالة ويكفي منك دعاء لي ولوالدي عن ظهر قلب بالتوفيق.
GL

التجربة الرابعة

و الله يا اخ بديت متأخر، انا و معلوماتي بالانكلش كانت منيحة يعني في تقول بمستوى upper Intermediate او b2

اخر فترة لما ماضل الا شهرين 😅 شديت عحالي كتير حتى صحتي ضررت لذلك انا انصحك تبدأ بوقت منشان ما تحصر حالك بوقت ضيق متل ما صار معي، ادرس علمرتاح احسن

انا اخذت كورت عن السات اسفدت فقط للانكلش من باب استراتيجيات حل و كيفية فهم و قراءة النص و كان استاذ الانكلش شاطر كتير ولكن بالاخير لما توسعت بالكتب شفت كتاب erica reading يغنيك عن كورس السات للانغلش و مفيد جداً لكن شوي مستواه عالي..
الماث كان اجتهاد شخصي كلياً صراحة و هو الماث معروف هيك انت بدك تدرس و تفهم و تشوف و تتمرن و لكنو سهل بالمجمل و مقارنة بالانكلش الموجود بالسات يعتبر فعلاً سهل

طبعاً الانكلش قسمين قسم reading و قسم writting، ال writting طبعاً اسهل من reading.. قواعد و تمشي عليها بس بدها تركيز و تمرين كمان لأن بدك تحاول وقتها تجيب فيه درجة اعلى من reading لأن مقدور عليه اكثر

الكتب :
reading :
هاد اذا بدك تحل مشكلتو صح و يصير عليك سهل بدك تقلب حالك لشخص يحب القراءة، اشتري قصص و روايات و اقرأها مواقع إلكترونية كمان متل صحف إلكترونية الخ
من الكتب الي بتساعدك منيح erica reading
بالاضافة للتمرين على نمط الاسئلة من امتحانات الاوفيشل او الريل انصح تبدأ بالاوفيشل لأن فيه شرح ليش صح و ليش غاط على الاقل بتعرف السؤال شو بطلب شو بدو

Writting
كتابين جداً مناح ادرس واحد منهم شفت حالك صرت منيح بلش تمرين شفت لسا بدك كمان اتمرن من الكتاب الاخر (طبعاً عبقول هيك مابعرف مستواك بالانكلش)
Erica grammar writting
panda writting
انا انصح تبدأ ب erica writting
طبعاً كمان مع التدريب من امتحانات الاوفيشل او الريل و انصح تبدأ بالاوفيشل بالاول لأن معو شرح

Math
طبعاً هاد بحر اكتر شي لكن فيني انصحك بعدة كتب و انصح انك نكون شمولي بالماث صراحة
panda math
panda الامتحانات العشرة
بارونز ورك بورك
dr. jone امتحانات فقط جمع منها افكار صعبة بس بتفيد
طبعاً هاد كلو مع مراعاة تتمرن من امتحانات الاوفيشل و الريل


ملااااحظة : بدك تنتبه بعد ما شفت حالك صرت تكرج بمهارة صير عيّر الوقت و حل عالوقت.. و بعدها بتصير تحل امتحان ماث كامل علوقت و تعيير الوقت و نفس الشي reading و writting كمان..
reading 65 minutes
writting 35 minutes
math none calculator 25 minutes
math calculator 55 minutes

و بالاخير اتمنى كون ما خربطت بشي او عطيتك معلومة غلط ان شاء الله.. و بدي قلك كمان بكل شي عطيتك اياه اتأكد منو من طلاب اذا حسنت بكون افضل تاخد ارائن و هيك و في عنا ما شاء الله طلاب ممتازة بالمجموعة https://t.me/SAT_TR

التجربة الخامسة

درست ٤ شهور تقريبا

كل يوم سبت كنت بصحى الساعة ٨ الصبح بحل اختبار كامل كأني في قاعة الامتحان بالزبط
استخدمت الاختبارات official الثمانية وكمان الاختبارات المسربة موجودين بالرابط
https://www.reddit.com/r/Sat/comments/9544rw/all_qas_tests_and_scoring_in_pdf_form/

وكنت باقي الأيام أتدرب على خان أكاديمي
_

بالنسبة للماث
اول شي راجعت منهج المدرسة يلي درسناه
هيك مراجعة سريعة أراجع القوانين والمعادلات وهيك
بعدها حفظت جدول الضرب لحد 15 والمربعات لحد 20 والمكعبات لحد 10
لازم الواحد يحفظهن متل اسمو
احسن ما الواحد يحسب بالآلة بحسب براسو
اول شي كنت بطيئة وأفكر وأضيع وقت لأتذكر الجواب بعدين مع التدريب صرت كتير سريعة وكتير فرق معي بالوقت

وكنت أحل كل يوم 60 سؤال ماث وبشغل timer طبعا الأسئلة مو دفعة وحدة
كنت حل كل 15 او 20 سؤال دفعة وحدة وبعدها باخد استراحة وبراجع الأسئلة

كان هدفي انو أحل كل سؤال بدقيقة مشان بالامتحان يضل معي وقت زيادة بآخر كل قسم للمراجعة
يعني اول قسم ماث 20 سؤال بـ 20 دقيقة وانو يزيد معي 5 دقايق للمراجعة
تاني قسم 38 سؤال بـ 38 دقيقة بضل معي 17 دقيقة للمراجعة
اول شي لما بدأت حل الأسئلة ما كنت خلص كل الأسئلة بالوقت بعدها تحسنت كتير
الصراحة القسم التاني من الماث ما قدرت حل كل سؤال بدقيقة فحطيت هدف جديد انو 38 سؤال ب45 دقيقة

بعد ما أخلص حل الأسئلة بكتب كل الأسئلة يلي غلطت فيها او ما كانت متأكدة منها بدفتر
اول شي بكتب السؤال والخيارات
بعدين حلي (حتى لو خطأ)
بعدها الحل الصحيح
وبحاول افهم ليش غلطت بالسؤال

مثلا لو سؤال ما كنت عارفه القانون يلي لازم استخدمو او كنت ناسيتو بحفظ القانون
لو سؤال غلطت بالحل بالضرب براجع جدول الضرب وبخلي حدا يسمعلي ياه
وهيك يعني

__

بالنسبة للإنجليزي

اول شي ركزت ع writing
بالنسبة الي حسيت انو الواحد بقدر يحسن مستواه فيو بسرعة اكتر من reading
لأنو بالاخير writing عبارة عن كم قاعدة لغوية بحفظهن الواحد وبطبقهم وانتهينا
قواعد writing موجودين هون
https://blog.prepscholar.com/the-complete-guide-to-sat-grammar-rules

هدول القواعد بس الواحد يحفظهم ويفهم كيف يطبقهم بجيب العلامة التامة بـ writing وهو مرتاح
طبعا لازم يضلو يتدرب ع rules كتير لحتى يحفظهم زي اسمو
كنت احل 20 او 25 سؤال كل يوم بس
_

اخر شي reading يلي هو اصعب قسم بالنسبة الي
كنت آخد كنت passage وأحلها ومتل الماث أراجع أخطائي بس ما كنت اكتب الأسئلة بدفتر
كنت أحل 3 passages كل يوم
يعني تقريبا 30-33 سؤال حسب القطعة 10 او 11 سؤال

بعد فترة انتبهت انو انا مشكلتي مع history و social Science passages يلي هما القطع التاريخية بتلاقي مكتوب فيها فوق بالمقدمة كتبها الكاتب او القاها الشخص الفلاني بعام 1800 او 1700 او شي هيك
مع انو انجليزيتي منيحة بس ما كنت افهم هدول القطع لأن الإنجليزية القديمة يلي مستخدمة فيهم معقدة كتيييير
فركزت عليهم صرت كل يوم احل قطعتين منهم والقطعة الأخيرة احل science
قطع الscience اسهل شي اذا الواحد شاطر بالأحياء والفيزياء لأنها غالبا بتحكي عن معلومات نظرية فيهم او تجربة شي عالم بهدول المجالين

صراحة reading بالتدريب مافي غير هيك
ممكن تخلي ورقة تكتبي عليها الكلمات يلي ما بتعرفي معناها مع المعنى وكل يوم قبل النوم تراجعيهم
السات يركز ع الكلمات الأكاديمية وحتلاقي كتير كلمات بتتكرر فمفيد تعرف معناها
طبعا مو كل كلمة ما بتعرف معناها رح تكتبها بس الكلمات الاساسية

Mahmoud SRDAR

مدير ومؤسس موقع فلنترك أثراً ومحرر تقويم المفاضلات وتقويم اليوس

مقالات ذات صلة

انت تستخدم حاجب الاعلانات

,نحن في موقع فلنترك اثراً نقدم جميع الاخيار بشكل مجاني ونستخدم عائدات الاعلانات لتطوير وتحسين الموقع ولاضافة ميزات إضافية يرجى الغاء مانع الاعلانات ولكم جزيل الشكر