تجارب يوس سليمان ديميرال

تجربة طلاب في امتحان يوس سليمان ديميرال

سنة 2019

امتحان سليمان ديميرال كان عبارة عن 80 سؤال
 30 سؤال ثقافة عامة .وهندسة تقريبا 5 أسئلة  والباقي جبر و IQ
الجبر والهندسة كانو كتير سهلين بس كان في سؤالين مشاكل سهلين كمان
 والIQ كان مقبول جدا في سؤال أو سؤالين صعبين شوي الباقي كلو سهل بس المشكلة بأسئلة الثقافة بعض الأسئلة كانت نصوص طويلة وكان في أخطاء بالمعنى كتير .
كان في اكتر من سؤال ترتيب جمل وباقي الاسئلة كلها  بتعتمد على القواعد .. كان في سؤال واحد فقط بيعتمد على ثقافة الطالب بتذكر كان السؤال الأهرامات باي دولة .
يعني يلي قوي باللغة التركية الأفضل يختار تركي 
عادي تتوقعوا تجيبوا 100 وتطلع العلامة بالاخير تحت ال90 بالاخص يلي مختار اللغة العربية لانو ما بتحسن تعرف إذا عم تحل صح أو غلط ..
الفحص ما كتير رح تستفادوا منو بالمفاضلة عالجامعة نفسها لأنو أعداد السوريين يلي بتاخدا الجامعة قليلة بس كفحص مشان علامة عالية لتفاضلو فيها على غير جامعات فهو خيار منيح لتحصلوا علامة فوق ال 80 بعد حران طبعا
ما بنصح الطلاب يلي بدها طب تقدم الفحص لانو غالبا رح يطلع عندك 3 أخطاء بسبب أسئلة الثقافة وتروح عليك المقعد
طبعا هالحكي كلو استنادا على علامات ومفاضلة 2019 ممكن هالسنة تصير الترجمة العربية أفضل وتحسن الطلاب تسكر الفحص باللغة العربية
بالتوفيق للجميع

سنة 2018

تقع في مدينة اسبارطة تعتبر من الجامعات القديمة حيث تأسست عام 1992 
تحتل الترتيب 26 محليا وتعتبر من الجامعات المتكاملة نوعا ما حيث تمتلك جميع الكليات والاقسام من بينها الطبية والهندسية بالإضافة لعدد من المعاهد 
لغة التدريس تركي بالإضافة لبعض الكليات باللغة الانكليزية
لديها امتحان خاص بها ومراكز خارج وداخل تركيا 
يتألف امتحانها من 80 سؤال بوقت 120 دقيقة والاهم من ذلك يعتبر امتحانها من الامتحانات العامة حيث يحتوي بما يقارب ال30 سؤال اسئلة عامة تدخل في مجال الثقافة بالاضافة ل5 اسئلة مشاكل رياضية  قديما
لغات الامتحان هي (عربي_تركي_انكليزي_فرنسي_الماني_روسي بالاضافة للغة الفارسية)
تعتبر من الجامعات ذات الترجمة الجيدة
امتحانها مقبول في 89 جامعة حكومية وخاصة بشكل عام من اهمها( ارجس_اكدينيز_مرسين)
بالتوفيق للجميع

Mahmoud SRDAR

مدير ومؤسس موقع فلنترك أثراً ومحرر تقويم المفاضلات وتقويم اليوس

مقالات ذات صلة

انت تستخدم حاجب الاعلانات

,نحن في موقع فلنترك اثراً نقدم جميع الاخيار بشكل مجاني ونستخدم عائدات الاعلانات لتطوير وتحسين الموقع ولاضافة ميزات إضافية يرجى الغاء مانع الاعلانات ولكم جزيل الشكر