تجارب يوس 19 مايس

تجارب الطلاب في امتحان يوس 19 مايس

تجارب يوس 19 مايس

سنة 2020

علامتي أقل من 80 بشوية، كان حلمي جيب ال 80 بهالجامعة حتى لو ماقبلت برغبتي لأن الفحص كنت اسمع انه صعب وما كنت اتخيل حالي جايب 80 كطالب مستجد طبعاً. يا أصدقاء نصيحة ركزوا على أسئلة الدورات وادرسوها دراسة، حاولوا تفهموا نمط الأسئلة وياترى كاتب الأسئلة كيف بدو ايانا نفكر، أفكار الأسئلة مكررة ولاسيما الآيكيو، أنا حليت الآيكيو خلال 30 دقيقة بس لأني كنت حالل أسئلة الدورات وفهمانها، طبعاً مايقارب 8 أسئلة ماحليتا (بس ما طولت عندها) لأن كان تركيزي عالجبر لأن بدي فرع علمي. وبالفحص حاولوا ماتطولوا كتير بالأسئلة ولاتفكروا حالكم نيردات وتعندو عالسؤال.. خلص من شفته فكرت شوية ماعرفته روح للي بعده، بالأخير بعد ما تخلص حل كلشي بتعرفه رجاع عَنِّد على هاي الأسئلة. 19 مايس فرصة قوية لكل الطلاب( معيدين ومستجدين) شدوا حالكم وخذوا بالأسباب وتوكلوا على الله وإن شاء الله الله بيسرلكم الفحص. بالتوفيق للجميع

سنة 2020

امتحان ١٩ مايس امتحان متوسط مائل للصعوبة من ناحية الجبر كان الهندسة صعب الاي كيو كان متوسط مائل للسهولة بنصح الطالب الي يدخل على امتحانها يكون متمكن من الجبر كثير لانها تحط اسئلة فيها نكشات يعني تقريبا الاسئلة كانت نصها فيها نكشات يعني تقريبا اسئلتها اصعب من حران بشوي (على اعتبار انو الكل يدخل امتحان ام اليتامى 😆) بس طبعا حران تثقل اما هي ما تعطيك ولا دوزيم فوق علامتك
 
(تجربة الطالب : عمر حسين)

سنة 2020

الامتحان كان صعب بنسبة 70% كل الأسئلة كانت تحتاج الى ذكاء وسرعة في الحل ولكن نسبة القبول فيها عالية جدا في حال إذا حصلت على 60 تحصل على مقعد هندسة بسهوله تامه

سنة 2019

السلام عليكم
بسنة 2019 الامتحان كان صعب تقريبا اصعب امتحان قدمتو
كل الاسئلة كانت واضحة وكان معروف شو المطلوب بس في بعض الأفكار الغريبة باسئلة الجبر وشوي بال IQ
اللي بدو يحل الاسئلة اللي فكرتها غريبة رح يروح عليه كتير وقت لهيك كتير مهم الطالب يحل أسئلة الدورات ليفهم أكبر قدر ممكن من الأفكار الجديدة
صح الامتحان صعب بس طلاب بعلامات قليلة بتحصل أفرع طبية يعني بسنة 2019 طلاب حصلت طب بعلامة 85 وهندسات بعلامة 60
 
(تجربة الطالب : محمود سردار)

Mahmoud SRDAR

مدير ومؤسس موقع فلنترك أثراً ومحرر تقويم المفاضلات وتقويم اليوس

مقالات ذات صلة

انت تستخدم حاجب الاعلانات

,نحن في موقع فلنترك اثراً نقدم جميع الاخيار بشكل مجاني ونستخدم عائدات الاعلانات لتطوير وتحسين الموقع ولاضافة ميزات إضافية يرجى الغاء مانع الاعلانات ولكم جزيل الشكر