تجارب يوس حران

تجارب الطلاب في امتحان يوس جامعة حران

يوس حران

سنة 2021/1

الصراحة رحت ع الامتحان مو نايمة بس كم ساعة عأساس اكسب وقت بدون فطور لبين ماصار وقت الامتحان كتير جعت ومخي سكر نهائيا فتت ع الفحص بلشت آي كيو طبعا طلعت من الامتحان مبسوطة انو حليت منيح والاسئلة كانت اسهل من السنوات السابقة بس لمن نشرو الاسئلة والاجوبة كانت الصدمة انو 75 بالمية من اجوبتي غلط و50 بالمية كانت اخطاء عدم تركيززز لهيك نصيحة لوجه الله لاتروووحوو بدوون فطوور الف الحمد لله انو ماكنت كتير متأملة فيها والحمد لله انو بحران ولابغيرها 

سنة 2021/1

سلام عليكم

اني طالبة مستجدة بديت مسيرتي بشهر ال١ باليوس وحرفياً بديت من الصفر لأن باعتباري كنت بمدرسة مهنية ببلدي فما كنت ادرس رياضيات بالثانوية واخر مرة درستة قبل لا ادخل ثانوي معناها انو انا متأخرة ولما سجلت على الامتحان ماكانت النية اجيب درجة جيدة او شي لان انا لسه ماعرف اذا راح اجيب درجة تأهلني ادخل التخصص الي اريدة ف على الأغلب اعيد السنة لتقوية نفسي أكثر (ادعولي بالتوفيق وللجميع) المهم سجلت لامتحان حران لاعيش أجواء الامتحان أبسط شي ماكنت اعرفة جديد عليه كل شي تنظيم الامتحان وحتى دفع الأجور مكان عندي حساب بنك وحتى كانت اول مرة اطلع لمكان بعيد وحدي ف كثير شغلات تعلمتها من هل تجربة

قبل ليلة الامتحان ولأني مامكملة المنهج حاولت اراجع الي اعرفه وقلت لنفسي احل الiq والماث والهندسة على الله 😂 وكان في استاذ فاتح بث مراجعة بليلة الامتحان ف حليت معاه كم سؤال ونمت على بكير وثاني يوم توكلت على الله  ومثل ماقلت كلشي كان جديد عليه اول مرة ادخل جامعة هنا بتركيا ف التوتر↗️

واجة وقت الامتحان ودخلت القاعة وانا اقرة آيات ولما بديت احل حليت تقريباً ١٠ أسألة iq بعدين ماعرفت احل وضلبت احاول والوقت يمشي فالباقي شلفته😂💔كانت اسألة صعبة عليه خصوصاً انا مادارسة منيح ف ماعرف شنو ممكن تطلع درجتي بس مو مهتمة رغم انقهرت اول ماخرجت من الامتحان وشفت الطلبة يحلون وفرحانين جاوبوا وحسيت نفسي مقصرة بس بعدين كالعادة باوعت للجانب المشرق وهي التجربة التعلمت منها كثير اشياء.

طولت بس حاولت اختصر  واحكي بلهجة سورية علشان انفهم 

سنة 2021/1

بالنسبة لحران الايكيو كان سهل الجبر وسط صعب نوعا ما والهندسة سهل وسط نوعا ما امتحانين بنص الكل يقدمون للاستفادة والتجربة والخبرة وبالاخص ماردين الي عمرو صغير وبيجيب فيا علامة عالية ممكن كتير يستفاد منا بشان الافرع الطبية 

والسلام عليكم ورحمة الله

سنة 2021/1

امتحان متوسط أسهل من سنوات السابقه

الإيكيو وسط كانو فيو شويت نكشات

الجبر أصعب بشوي 

الطلاب بتستفاد من امتحان حران نفس الجامعه إذا كان هدفه الهندسه أو التمريض

هي الجامعه كتير بتثقف بالعلامات يعني بتعطي من 70 وفوق

هاد الامتحان بكون دعم معنوي ونفسي 

( تجربة الطالبة : خديجة البيج )

سنة 2021/1

كان الامتحان مقبول توجد اسئلة سهلة ومتوسطة ومقبولة الصعوبة انا امتحنت لكن لم اكمل مادة اليوس يعني دخلت الاختبار بنصف معلومات وننتظر النتائج ان شاء الله.

 ( تجربة الطالبة : شهد الطاهر )

سنة 2021/1

دخلت امتحان حران طبعا ل سببين الأول للتدريب عل جو الامتحان والثاني لان علامات حران فيها تثقيل

الامتحان عامة كان متوسط أسئلة الاي كيو كانت متوسط يميل الي سهل أسئلة الرياضيات بشكل عام متوسط يميل الي صعب  تجربة اتعلمت منها ان الوقت العامل الاساسي  في الامتحان 

الوقت بالنسبة الي كأول امتحان كان قليل جدا اتوقع الامتحانات القادمة مش 

 هسيب الوقت يأثر على كدة تاني 

سنة 2021/1

كانت الاسئلة كتير واضحة وسهلة والمراقبين كانت معاملتهن  كتير منيحة معنا وبتمنى جيب علامة عالية اقدر احصل على الفرع اللي بدي ياه

سنة 2021/1

كانت الاسئلة كتير واضحة وسهلة والمراقبين كانت معاملتهن  كتير منيحة معنا وبتمنى جيب علامة عالية اقدر احصل على الفرع اللي بدي ياه

سنة 2021/1

اسالة جامعة حران كانت صعبه بالنسبه للظروف الي دنمر بيها   ال. İq  الناس كثير تعتمد عليه خاطر النجاح بس للاسف هوه هم مكان سهل يعني اعتبرها مو منصفه 

سنة 2021/1

اني طالبھ يوس هاي 3 سنھ الي سنھ عن سنھ الاسئله دتصعب اكثر هذا الي شفته من خلال دخولي للامتحانات يعني برايي من اول سنھ حاولو تخلصون منھ افضل يكون ♥️ وبالتوفيق للجميع ان شاء الله 

سنة 2020

 امتحان يوس جامعة حران الامتحان الأول :
كان هاد الامتحان في الشهر الثاني وكنا بنص المنهاج تقريبا المهم قدمت الامتحان متل تجربة ونشوف اجواء الامتحانات
الامتحان صعب كان 40 سؤال ايكيو من بينهم 10 اسئلة مشاكل تقرييا و40 جبر وهندسة
بتطلع من الامتحان وانت معفس وبتقول شو هالعلامة يلي رح اخدها واذ وقت العلامات بتتفاجئ بعلامتك وبتكيف 😂 وبتصير اغلب مفاضلاتك على هاد الامتحان (انصح به)
4 خطأ ما بيروح 1 صح

 
(تجربة الطالب : عبد الوهاب رمضان)

سنة 2020

هي التجربة موجهة للمستجدين خاصة

 يوس حران (أم اليتامى) كنا مستجدين ونسمع هيك وتفائلنا فيه كتير السنة الماضية كان أول امتحان بقدمه وكنت داخلة باليوس متأخرة راحت علي دروس سابقة وكمان في عنا كتير من المنهاج مو مخلصينه بس مع هيك كنت متفائلة لأن مستواي كان منيح واسمع انو هاد يوس منيح للطلاب المستجدين بس لما قدمت تفاجئت انو في اسئلة كتير ماعرفت أحلها ماكنت متوقعة هيك خاصة اني كنت متعودة بامتحاناتي قبل تكون علامة تامة أو شبه تامة بس لما شفت حالي ماعرفت احل هيك فكرت بس انا وتركت الورقة وقعدت أبكي وكان الامتحان بغير مدينة وطول الطريق بالسفر وانا أبكي ورحنا رحلة قبل مانرجع لمدينتا بس انا عم ابكي وماتهنيت،  والمعيدين كانوا يضحكوا وانا مااعرف ليش .. بس لما طلعت النتيجة تفاجئت انو كانت علامة منيحة واحسن من الي كانوا عم يضحكوا .. رح تقولوا شو رح نستفيد من هاد الحكي …اولا :امتحان حران مو سهل أبدا ولكن الجامعة بتعمل تثقيل لهيك إذا ماعرفت تحل منيح عادي ماتنحبط   .. وثانيا : انو إذا ماتوفقت بامتحان عادي ماتنحبط وتحس أنها نهاية السنة بالعكس شوف نقاط ضعفك وحاول تقوليها وماتقع بنفس الأخطاء … لان بيكون عندك فرص غيرها وهاد شي منيح باليوس مو متل امتحان البكالوريا مثلا اذا ماحليت منيح بالامتحان راحت السنة(انا هيك كان ببالي) بس بالعكس في كتير طلاب بامتحانات كانت علامات قليلة وبامتحانات تانية. كانت شبه تامة بس لازم تحاول تختار الامتحانات بدقة على حسب ما يناسب وضعك ومستواك والفرع الي بدك ياه والمواد الي متميز فيها اكتر من غيرها وعلى هاد الأساس تختار امتحاناتك وادعي الله يسرلك الخير

 الي بده هندسات نصيحة مايفوت حران أبدا  

وبالتوفيق للجميع 

دعواتكم

Mahmoud SRDAR

مدير ومؤسس موقع فلنترك أثراً ومحرر تقويم المفاضلات وتقويم اليوس

مقالات ذات صلة

انت تستخدم حاجب الاعلانات

,نحن في موقع فلنترك اثراً نقدم جميع الاخيار بشكل مجاني ونستخدم عائدات الاعلانات لتطوير وتحسين الموقع ولاضافة ميزات إضافية يرجى الغاء مانع الاعلانات ولكم جزيل الشكر