تجارب يوس ارجيس

تجارب الطلاب في امتحان يوس جامعة ارجيس

يوس ارجيس

سنة 2020

حابة أحكي عن هي الجامعة بما أنو قدمت امتحانها وفاضلت فيه ورح ادرس فيها

أول شي هي جامعة قوية وامتحانها بالعادة بيجي متوسط مائل للصعوبة لكن السنة الماضية متل ماصار بكل الجامعات طبعاً أجا الأمتحان صعب بشكل عام بس حلاوة هالجامعة انو قبلت على علامات مو عالية أفرع منيحة يعني حسب صعوبة الأمتحان رح يكون القبول
بالنسبة للأمتحان كان الجبر 30 سؤال تقريباً متوسط ولكن في نكشات
الايكيو كان مائل للصعوبة ولازم تكون فيه سريع حتى يحالفك الوقت
والهندسة كانت 10 اسئلة واغلبها صعبة يعني الاسئلة فيها افكار كلها
والمشاكل اجا سؤالين أو ثلاثة منها سؤال مشاكل والباقي منطق بالأيكيو
ومابتروّح عال 4 اسئلة خطأ واحد صح
أما بالنسبة للمفاضلة رح تكون الاولوية للقدموا يوسها تقريبا بتعطي 50% من مقاعدها خاصة بالطلاب اللي قدمو يوسها وهالشي كتير بيرفع من نسبة قبولك اذا كنت مقدم امتحانها
هي جامعة قوية وترتيبها عالي على مستوى تركيا ويوسها معترف بكتير جامعات وفيني قول بأغلب الجامعات
هاد كان كلشي وبالتوفيق ان شاء الله لجميع الطلاب🌸

 
(تجربة الطالبة : رشا)

سنة 2020

الجبر كان بدو شغل ووقت يعني الاسئلة تنحل ولكن تحتاج الى وقت والهندسة كانت سهلة تعتبر اجا 10 اسئلة تقريبا من كل الابحاث جايبين اما االايكيو كان يحتاج للوقت وكان في اسئلة نصية كان في سؤال نصي عليه 4 اسئلة. يعني ب اختصار الاسئلة تحتاج لوقت
 
(تجربة الطالبة : Raghad ali)

سنة 2020

السلام عليكم
مرحباً للجميع..
امتحان أرجيس كان أمل لكتير طلاب في السنة الي قدمناها خصوصاً أنو الجامعة بتعطي مقاعد للسوريين وترتيب الجامعة يعتبر مرتفع
حسب أسئلة السنة الي قبلنا والسنوات السابقة كنا متوقعين الامتحان سهل كتير وفيه كم نكشة وعلى هاد الأساس دخلنا الامتحان
بلشنا نحل تفاجئنا انو مستوى الأسئلة عالي مقارنة بالسنوات السابقة وهون بسبب الصدمة والتوتر ماعاد في تركيز منيح (يعني لا توقاعوا بهالغلط وتفوتوا مفكرين الامتحان رح تمرقوه من تحتكن من السهولة، احسبوا حساب لكلشي)
وفي شغلة تانية ممكن تفيدكم بطريقة حل الأسئلة، بسبب التوتر ما خليت الأسئلة تأثر عليي والسؤال الي ماكنت أعرفه مباشرة كنت أطيحه مشان استغل الوقت.
في الدقيقة 80 على عدد الأسئلة تماماً كنت واصل للنهاية وطايح 30 سؤال، يعني بقي عندي 30 سؤال بزمن 40 دقيقة قدرت حل منهم 15 سؤال وال 15 الباقي منهم ماعرفتهم بسبب مستواهم الصعب بالنسبة الي ومنهم بسبب انو ماكنت بعرف تركي ومنهم بسبب التوتر 😁
والشي الي بتستفيدوه من هالكلام انو حلوا الأسئلة باستراتيجة بتريحكم
يعني انا 30 سؤال ماكنت عرفانن حليت 15 منن بسبب هالاستراتيجية الي كنت اتبعها بطيحان الأسئلة الي ما تخطر عبالي بالبداية
بتمنى تكونوا استفدتوا من أخطائي وماتوقاعوا بنفس الأخطاء والعاقل هوي الي بيعتبر من خطأ غيره.
والسلام..

سنة 2020

رح احكي عن تجربتي بالنسبة لفحص ارجيس

اول شي انا كان من اول ما بدأت باليوس كان بدي قدمو وكنت حابب ادرس بالجامعة وضليت ادرس بشكل مكثف وحتى اجت الكورونا ع تركيا وقفلو المعاهد واجلو الامتحانات وكان وقتها ع ما اذكر الشهر الثالث او الثاني
وكان اخر يوم بدرس فيه ع اساس وقتها اني ارتاح يومين وبعدين ارجع ع الدراسة لكن ما حسنت من وقتها افتح كتاب

وحسب دراستي القديمة قدمت فحص ارجيس وكان في عندي نقص معلومات شوي وفتت ع الفحص وكان وقتها فيه صعوبة عكس سنة 2019 تماما

ف وقتها حليت وجبت علامة واطية مع الاسف لكن لو دارس كنت بجيب علامة وانا متأكد الي دارس ومعلوماته كبيرة كان بجيب علامة فوق التسعين لان كان سهل ع الدارس

لكن بفضل الله والحمدلله قبلت بالجامعة هندسة مدنية وهلق انا طالب فيها

 
(تجربة الطالب : ibrahim )

سنة 2020

 أمتحان جامعة أرجيس بسنة 2020  كان امتحان صعب وفي  بعض الأسلئة سهلة  بعض الأسئلة كان بدا ترجمي وبدا وقت لحتى تنحل وتترجم و الجبر كان مايل للصعوب والأيكيو كذلك  . والهندسة  كان في 10أسئلة وفي كم سؤال مشاكل
 
 
(تجربة الطالب : Ahmet mahmud)

سنة 2018

التجربة كانت بالنسبة لي جيدة لانني كنت اقدم اول امتحان يوس. انصح كل الطلاب الذين يمتلكون القدرة على تقديم امتحان يوس جامعة ارجيس انصحهم ان يتقدمون للامتحان لان قوي و بنفس الوقت الجامعة قوية جداً انا طالب في جامعة ارجيس اتمنى للجميع الطلبة بالتوفيق و الخير يارب .
 
(تجربة الطالب : انور المحمد)

Mahmoud SRDAR

مدير ومؤسس موقع فلنترك أثراً ومحرر تقويم المفاضلات وتقويم اليوس

مقالات ذات صلة

انت تستخدم حاجب الاعلانات

,نحن في موقع فلنترك اثراً نقدم جميع الاخيار بشكل مجاني ونستخدم عائدات الاعلانات لتطوير وتحسين الموقع ولاضافة ميزات إضافية يرجى الغاء مانع الاعلانات ولكم جزيل الشكر